聯亞的股息到手,今日以25.8買入500股思捷,本來揸唔定主意係買思捷,晨鳴定錦江的,隻隻都跌左2成,不過最後都係買左思捷
股市下跌對受股息再投資又好,平均成本法又好,益處都大於好處,市值跌最多都是本金趨向於0,而收入上升卻可以無限,上年味皇設定左今年收息能力的目標是35000蚊,現家點一點數,不知不覺已經過左40000蚊,如無意外年尾有48000都唔出奇
真實組合年初至今跌左20.5%,總盈利冇左一半,下跌最大的唔好處係果50萬的手續費死線,如果唔係集優今日發癲,就已經跌穿50萬而被銀行收手續費
集優的新廠早兩日已經投產,相反晨鳴仲登緊招募廣告,似乎晨鳴的新廠遲過預期,今日兩者的股價表現都是南轅北轍
股息稅20%?,至少文軒,晨鳴同錦江等國企已公布了正式的派息日期同金額,並沒有提到20%,中央亦無公告,因為可以相信抽起20%派息的行為只是國航自己的獨斷行為,唔通自己財政極差,後悔派息?
玖紙呢兩日上演左場花生SHOW,睇標普的做法,玖紙的債券應該出現左技術性違約,玖紙點否認隨佢鍾意,其實以佢的財政來說,早就係垃圾債券,唔講出黎大家都開心啫,就好似美債咁,祖師爺講過,債券唔安全的公司,其股票亦唔會安全
無論國家定係企業的債券評級下降,評級下降前一秒同後一秒實際並無分別,有問題亦不是一直都有的問題,不過資本市場成日有D汙腐的規定,話高過某評級都點做,低過又要點做,而一做野又會出問題,隻眼開隻眼閉咪冇問題囉
最近流行渾水摸魚,不過可以摸的魚本身都有個格,要分唔難,不過用咁多工夫搞渾水,還不如將所有中國的食品公司股票都沽空,然後再將食品都送檢,唔駛一個星期出報告就有錢收了
沒有留言:
張貼留言