最近的交易

月頭1.8賣左17萬股國銀,之後一直1.34排隊買入東瑞和0.78買珠船,另外手上的大悅城私有化,趁有點成交量0.54沽清全部60萬股,排隊買東瑞和珠船不太順利,排了半個月只買了14萬股東瑞和118000股珠船,於是剩下的1.75買回14萬股國銀,然後買完後翌日就開始插水這樣...

睇返記錄,大悅城平均價大概6毫,係2018年開始買的當時平均0.95左右買入,之後2019年3.7左右賣405和1.7賣87001再0.6左右換入大悅城,2020年0.98賣走當時未公告私有化的首創再0.5換入,最後一次是2023年0.25增持,基本上味皇是此認為悲慘的地產股中大悅城相對能活到最後...最終結尾不完美可接受,地產股成個行業最終冇一隻可以返生,換成大悅城都叫撿返粒芝麻,味皇願意賤賣207係因為長揸過佢,試過好地地賺緊錢卻忽然停派息然後比股價插,如果佢存心私有化就唔會打算穩定派息比你,再者之前也寫過大6的新增值稅政策係變相打擊上市公司鼓勵佢地係政策生效前退市,味皇覺得無謂互相阻發達

CTM的業績味皇覺得不好,佢債券轉成銀行貸款後利率大減,但盈利卻基本沒有增加

東瑞的業績味皇覺得不好,有點中伏,主要係佢做左成年生意但現金並沒有增加

最近味皇係大6食美團餐,價錢越來越驚異(通縮有什麼不好大家難道不喜歡物價更便宜嗎),修羅之國感覺都不讓人活了,而像美團這種就等同7仔係食人血饅頭的公司,想像一下,命令小商家做優惠,但唔補貼要商家硬食,唔屈服美團你的賣價就是屈服的兩三倍冇人幫襯田,叫外賣仔加重勞動,但唔加人工,你唔屈服大把人屈服,然後大家都唔賺錢,好似益左消費者,但美團會天價發新股賣曬比炒新股的賭徒(消費者)回血,而所有人當中只有美團有回血手段,可以一路蝕一路回血,美團慷他人之概,大家蝕本助佢吸血,原理同威利國際的向下炒有些類似,都是以賺股東錢為目標,而呢種先進的商業模式似乎相當流行而且廣受股票市場歡迎,因為總會有賭徒只是為了賭下一秒的升跌而對佢一年後的情況毫不關心

另外下個月好多人要被徵收社保,而當中有個bug是有最低消費,好似話坐底都要交千幾,於是就會出現一D情況,例如出現大神一星期只開一日兼職工時薪6蚊,然後要倒欠千幾蚊社保,例如會出現試用期15日被炒,出15日糧要被徵收千幾蚊社保,於是索性叫老闆唔好出糧做白工唔算僱佣關係費事倒欠winwin,於是會出現一堆老闆請臨時工唔出糧,臨時工要求唔好出糧,臨時工少錢過社保唔搵,味皇很是理解"老鼠人",這是現時非常理智的做法,估計政策不也會很長久,撞了板過一排自然就會改,到時老鼠先再出黎,但仲做唔做得返人呢?

回憶早幾年的不可描述的幾年,人們的技能有增長嗎?人們的戶口有增長嗎?年齡就有增長,而現在不願做奴隸的人們再次要虛度幾年,而那些願做奴隸的人們,瘋狂送外賣瘋狂沖奶茶,也不見得是什麼現充的生活

玩過人中之龍系列嗎?(或者叫龍如)人走投無路,就會選擇現金出糧的工作,或沒有選擇只能找現金出糧的工作,收入微薄至少唔會倒欠,特別是倒欠國家錢係要坐要被打的,而肯現金出糧的,必然同黑社會相關,係呢種全民辣哩的情況下黑社會會快速壯大

沽清能投

最近四川能投冇原因咁爆升,要夾硬塞個原因估計係雅魯藏布江起水電站,於是D人忽然起記國家支持搞水利股掛,於是味皇朝早3.2-3.22沽清手上的能投,諗過電信中移中通三隻邊隻好D,最後87.15換成6000股中移,味皇認為能投每股應該派0.15人仔,而且是在一年之前就應該派,佢有能力派0.17,但假如佢就算咁派係3.2的股價下也不夠5厘半,已經比6厘左右的中移低於是換

現家起的水電站其實係超限戰的軍事設施,等於湄公河的水電站咁,掟石掟唔贏唯有下次就用斷水放水黎報復啦,果邊山卡啦用貨車運水泥上去4000公尺成本高,拉電線去城市電線長電阻高,地震又多雪又大電塔用唔到幾年就冧,唔多合成本效益,去做維修的韭菜也會有機會死,因此實務上與其將電花大功夫拉出黎,倒不如原地消耗,於是凡是山卡啦冇人煙地方的電站,附近都一堆大量用電的秘密設施,由於呢種電站周圍係軍事禁區,民企唔可能參入果D秘密設施,因此將會有公營的巨用電公司會開設,味皇猜測今次會將四川的秘密設施搬去果度,四川原先的軍用電空出黎會比私企用,於是四川會多開更多私人礦場之類,而新起的電站發電量巨多,公家AI燒左佢之外,好大機會政府自己都挖埋一份,全收市場的二手顯卡全力低效率挖幣,很可悲的是高耗電低效率挖幣售出的錢用黎比沿海的火電廠買澳洲煤燒的成本效益很大機會大於起大量電塔同變壓站運出去去賣的成本,結果又是地球君受傷,D假環保話二氧化碳令地球暖化,又唔講佢地收的虛似幣挖的時候電腦產生的發熱係直接排放出大氣,令空氣變熱令大氣層變熱,你想像一下,就比你用太陽能用水電用地熱用風電無限免費比你用啦,你用呢D"環保"的電同時點著5萬億個鎢絲燈一個月,你睇下地球氣溫會唔會上升?現家北海道氣溫37度,關鍵唔係D電有幾環保,而係人天殺的人類有幾唔環保

電站現家先話開始起,能投咁升法算過度反應,但能投依然係電力股中相當好的,但不夠兩年前好,起碼兩年前現金比負債多而現在相反,不過現家升而兩年前卻唔升,市場好多都係忽然行情

最近大陸話要年結算抽增值稅,唔知係邊條智將諗出黎同會唔會真係實行啦,例如你可以想像,私企上市後大股東的股權算唔算抽稅對象呢,唔計只計小股東就雙重標準,如果都計就冇人上市上左都即刻私有化,以後冇人會持股過年,想像一下長揸1000億市值的持股,12月31日跌50%,下年1月1日升返100%,持股冇郁過,訓醒覺就忽然欠政府100億稅了,公司盈利隨時都冇咁高,味皇要講仲可以有其實猜想可講,政府想錢想瘋了,好似賭場貴利咁贏就每局抽水,輸就輸曬仲問你駛唔駛抵押問佢借錢咁樣,下次係唔係輪到樓價每年一升就要比增值稅呀?呢D充滿bug的政策未確定佢點執行就先不講

屎路一條

或者有人已經聽到一D幻聽,鄰國領導人有機會被辭職,我說日本啦,以為放個西瓜上去先唔影響自已賺錢,點知個西瓜成日自爆害返自己,我說日本啦

對上一個瓜係秦國西瓜啦,假設最後會成軍政府,大概就是大量增加軍備費用,然後軍頭自己做供應商同研發商,然後建好多禁止進入的倉庫(里面為空),做好多最後撤回的試作品,鋼水有氣泡也不用檢查,軍備實力不見得增強,但中間商發大財,1小時22分味皇想肥料鋼鐵同PCB板應該賺錢最後選了買PCB板股,結果也不算不太如意啦(仲揸住建滔),現在已經係無人機的時代,特別係無人機巨大化,咁最得益的股會係德昌電機,不個已經嚶嚶嚶左兩年要升晨早就升左,電池本來都有嘅,但現在需要的是大量一次性電池,安全不重要越平越好,咁D自燃系列電動車同充電寶拆出黎電池的就有買家了,變成地球另一邊的土地污染物,受傷的是地球君

假設日本換左個首相經濟就會改善嗎?並不會,口號容易叫,社會人係社會上大致都有個位置,大家都想改變但個人要改變自己並不容易,如果不是大量個人同時做出改變社會也不會有大變化,例如係水塘度投放不舉藥咁大量個人可能會改變生活習性,要做到類似咁先得,要不就利用人類的生活習性,係食欲性欲貪欲度做手腳,例如係水塘度投放屎的話應該會刺激到消費物價即刻上升,生命之源的話棺材本也得提出黎借錢也要買,示範區有效的話就推行全國仲做埋出口,如果屎到埋黎味皇也笑不出來,嘛,實務上最容易的都調動貪欲啦,所謂的經濟繁榮期每一次都係由投機倒把開始拉起來的,一投機倒把就可以同時令大量人類自主動起來,要佢轉左就轉左,要轉右就轉右,要信仰之躍就跳樓,同宗教洗腦相比就低級D,但都有效

因此社會需要題材炒作,但是炒作並不產生實物,只是浪費一些物資將錢由A流去B同時,不要說0和游戲了,直頭負數游戲,炒作最後出的問題將會是人口,每次炒作都會出現信仰之躍,人口-1,錢集中左係N-1的人身上,n次炒作後會錢會集中成n*(N-1*n),但錢並沒有增加,人口變成N-1*n,於是就會看到越後期的炒作銀碼越大,可是人口減少到一定程度社會構成就會不完整,運作出現問題,有坑冇人坐,即是說要社會要維持炒作就要補充足夠數目的愚民,民要夠多,仲要夠愚,不過社會愚的佔比高的話上面的大人物也是愚的概率也高,真真冇修

假設啦,如果上面有心增加愚民的話,要混在愚民當中生活冇穿冇爛,最好就是扮成愚民混在愚民當中,平時扮做些蠢事蝕抵咁樣,但大量愚民一齊做蠢事時就保持距離,人數多時少你一個唔多,不要突出黎反駁讓自己看起來懶聰明的樣子,特別是佢地通常都好小器

點解要咁委屈自己呢?是咁的,幸福是相對的,你覺得委屈只要找個更委屈的參照物就可以,你要幸福只要找個唔夠幸福的參照物就可以,相信任何人身邊都一堆參照物,現家是進入食人飼料的世代,視乎產地不同人飼料仲可以摻了屎,即是說已經有一班人類過著食屎食著豆的生活,一日可能只需8蚊(不是電視的慈善欺騙廣告),假如不幸的你想到食豆沒有摻屎或者一日食8個8已經幸福感UP,當然要求也不用咁低

如果味皇現家重回18歲由0開結有冇得發圍返到現家水平呢?恐怕不能,沒有信心,換做巴菲特李家誠應該也一樣,現在感覺多勞多得已經系統性失效,以前窮可以話你冇去打幾份工,但現家已經唔得咁講,乜都一刀切,沒有有效的賞善罰惡機制,做阿源做下水道老鼠人也是理性選擇,可是這種理性看起來沒有未來,年齡歧視的社會下時間軸一拉長結果是玩完,古代人如果係城市搵唔到食可能會餓死,但如果拋佢係深山,佢大概率唔會餓死,古代人早死多數係病死,現代人去到呢個年紀唔係病死,但反而就餓死,仲衰過古代人,實際上如果有一定知識走去做深山野人,可能過得都比老鼠人有尊嚴,其實就是改變一下所在環境,無論變好變壞,整個情況起碼可以改變,而是不是沒有希望,而且希望相信遠比彩票高,"老鼠人的一生",是佢地唔識投胎,投去有戶籍制度的不拉屎地方,而呢度起碼仲有潤的機會

錢不多可以點呢,投資?先把生活做好先去講,投資是所謂的先苦後甜,不是先捱苦以後食甜,而是把現在能食的甜挪到以後食,能把現在的欲望能降低多少你將來才能食多少甜,貪欲是人性,而忍耐是反人性的,味皇相信反人性的人生活會不像一般人,大多數一般人過苦日子時不一樣,大多數一般人過好日子時也不一樣,但大多數的一般人都過上好日子似乎難度同概率都...就咁,係通縮環境中錢能增加就當成好運好了,咪話持平,大多數人都過苦日子,係呢個情況下,你如果投資目標同之前一樣的話其實是變相提高左要求,你睇人地前年飲星巴克,上年係星巴克飲蜜雪冰城,今年係星巴克齋坐充電,所以你增加幸福感只要也跟住減食費好了,前年我55蚊食大X樂垃圾焗豬,上年焗豬更垃圾於是45蚊食大X食J好了,今年35蚊兩餸飯加維他奶又一餐,前年10000蚊息可以食3個月,上年10000蚊息可以食3個月再多3星期,今年9000蚊息可以食4個月再多1星期哇哇,調整心態就是調整幸福,要說不幸周圍大把人可以陪你不幸,幸福的人脾氣會好D,味皇也不希望咁多周街開車撞人

實際來說人食焗豬你食J,人地不變3個月斷糧,你能忍兩餸飯就可以再活多個幾月,人地一餓死佢的社會資源就會變成你的,何嘗又不是一種內卷

有人說心的餘裕就是銀包的餘裕,有錢駛要求唔好咁高就得,又唔係做詐騙冇必要身光頸靚

控制欲望即係控制消費,控制消費係反社會的,反過來說理性的人基本都是反社會的,作為社會的危險份子要點樣扮成唔危險,味皇覺得比起學投資,先學識做人或者叫演技會仲好

順帶一提味皇自己只是降低目標,意外地並沒有少賺,幸福UPUP,今年買港股的賺錢應該居多,但不能當成理所當然的,大多數人食屎你獨自食豆點睇都非一般,首先要作食屎的心理準備,話唔定第時不時會混一D入黎,如果冇事當然最好啦,今次賺到的錢要點樣留住,能夠想出來的方案不確定性都幾大,反過來說現在的盈利也只是不確定的產物,都唔知應該多謝侵定法克侵好

充電寶

人每時每刻都面臨選擇,可是總會用些範圍限制,你想辦法能跳出就跳出限制增加選項,跳不出就在你能選擇的範圍內做選擇,當然也有人一開始就做了選擇不需要其他選項

是咁的,成龍說中國的會爆炸,佢都買日本製的,可是日本的也是中國生產的,結論是,咪一鳩樣

最近連續有行動電源飛機上噴火的新聞,就如同飛機自己噴火的新聞一樣,只於是就禁左好多行動電源唔比上飛機,咁會發生乜野事呢

中國的電芯世界第一,至少產量同鬥平上係,係無論係邊度買都係買到用中國電芯的,飛機係因為唔比錢保養或者鬥氣唔比錢保養用老殘零件而噴火,行動電源也是因為用了唔掂的電芯,唔掂的電芯點黎之後先講,今次的問題係好而唔死係名牌噴火,落左命命令之後間民族品牌一次就收皮準備執粒了,就好似早幾年重點項目養蛇蟲鼠蟻脫左貧的人又著返上身咁,出事係在於係出名的大牌子有事,如果係細公司出事的話新聞就可以賴落消費者自己用山寨檢討受害者就完事,但今次係有名有姓的大公司出事所以冇得賴落消費者度變成要做野,而上面做野呢都係一刀切的

於是鹹魚多左一大批好便宜的充電寶

呢D呢,包括:

機場禁區收收埋上唔到機的

機場免稅店準備賣比人但變成上唔到機的

電腦城賣緊但未痴3C貼紙的存貨

未執粒廠商已生產但未痴3C貼紙的存貨

己執粒或準備執粒廠商的全部存貨

加關稅冇出口到的未痴3C貼紙外國標準出口品

己執粒的共享充電寶或未執粒的盜品橫流

公司贈品唔要

D人換個3C新品令舊多出黎

呢度唔構成購買建議,但味皇認為大陸現家下令唔承認歐規CE只承認國標3C,咁樣基於咪一鳩樣原理下,值得用20蚊買過CE規格的usbc快充黎代替家中老舊的micro式5V1A,反正名義上是境外3唔3C問題不大,特別係上面被波及的好多都係好貨

黎度呢度,預測一下D行動電源的去向,一部分流入鹹魚消化,一部分貼上貼紙再賣,一部分拆解回收換個殼,一部分火葬土葬,名曰"第二次中國芯回收計劃"

鋰電池回收也不能叫甚麼很環保的行動,只能叫比火葬土葬好點,生產佢出黎存在自體就是不環保,鋰電池回收選擇再用,分解,還是火葬土葬,需要先測試一下電阻,但味皇不認為國人會為每粒電芯測驗做咁殊勝的行為,要不是全入土,就是全重用,例如每日都有共享充電寶報廢或共享充電寶公司報廢,呢D會成批賣比作坊,最後組合成新的或單粒18650咁賣,而"第二次中國芯回收計劃"會為業界帶來新活力

典解叫"第二次"呢,因為有第一次,第一次是電動車的電芯,也是政策啦,"第一次中國芯回收計劃"時,好多電動車報廢或電動車廠報廢,於是為業界帶來活力,特別在基本都係冇點用過的新電芯,好多都係大廠例如寧德松下之類的18650,呢D可以叫做正規渠道大廠出品啦,至少外觀上係,就時代就久遠點,如果買辦能係代理商買到,呢D電芯流入生產充電寶一流名牌廠商,也就不足為奇了,好似賣牛肉一樣

誒,如果說一年後係香港買200蚊有3C認證的新行動電源,在原料上來講現家就在鹹魚撿20蚊垃圾可能仲安全

2025半年結

由於冇左可以用黎計數的軟件,試算表已經唔就得點用,現家乜都要人手計好麻煩

恆指半年升左4000點或20%,而味皇組合在途股息比較多,唔計在途股息由646萬增至758萬或17%,跑輸大市少少,上半年收左15萬息

(*計少左拿左10萬出黎用,768萬計係19%)

係呢半個月用0.3排隊收左40萬股當年的有名的老千股博耳電力,除左今次博耳之外同埋3月幾次換馬之外,全年味皇冇任何動作,全年僅有的交易分別是

2.45的CTM>2.42的齊魯~~2.4的齊魯>2.29的CTM  

2.19的能投>1.19的國銀

1.84-1.92的衛星>18.3的中海油

9的美蘭>15.5的金沙

0.3的博耳

CTM果度最後又變返CTM唔算數啦,能投2.19>2.7,國銀1.19>1.74呢單就成功的,衛星1.9>2.09,中海油18.3>17.7呢單就失敗的,美蘭果度我一賣就即刻話私有化呢單都失敗,上半年的判斷好壞參半

組合拖後腿的是CTM,中海油,東瑞,齊魯,地產股,同其他貨不多的細股,表現突出的是保濟丸,四環,能投,筆克,國銀,建滔,總數20隻股當中得6隻股價上有表現,派息方面9隻增派,1隻不變,6隻減派,4隻本來就唔派,看來味皇只有選派息股的眼光上才能跑贏大市

現時的世界性的前景不明,手上的股就算升左跌左,要換成其他不也會出現選擇性問題,又肥大又黑暗的天鵝太多令你不能很容易就判斷出現在持有或準備換的股未來的生存情況,以及準備換的股可以優於原來的股幾多,現在採取一動不如一靜的處理,最多賺少D,關心但不介入

現時好像最有前途的是保濟丸同四環

保濟丸派息同盈利激增,但營業額其實沒有點增加,主要係借左錢玩收購而已,盈利上升左但財務質量算是下降左,借錢是有上限的,今次盈利增長是建立在借錢的潛力用掉上,當然要還的話用幾年可以還清,味皇估佢仲有得升,話曬名義上10厘股(味皇自己是廿幾厘股),最終升落去味皇搵乜同類代替品好呢?暫時有兩隻,仲未升的東瑞同埋數據上全面優於保濟丸的康臣,但康臣PB是2.2保濟丸是1.3,所以要更拉近先值得換過去,康臣比保濟丸優勝的地方在於唔借錢

四環變身好像有些成果,自稱啦,如果再買佢係屬於博懵,投機成份更大,同樣玩變身的神冠也不是非常成功

筆克升得多,屬於考慮賣但冇著落先留著的情況,佢前景唔算好但短期仲扮到成長,派息也會加,留著沒有負作用,但講好的話3年後仲掂唔掂幾難講,味皇苦惱於找代替品,下一個代替品可能是珠船,但珠船也有自己的問題,不見得明確比現在的筆克好

同樣國銀最近幾日大升,又出現要不要換的問題,如換回能投算是賺完袋左先,但能投本身也是高位也在考慮中,能投大加派息的概率高,而國銀即使加派息都不是非常高,如果換珠船會用國銀換

CTM已經還左債劵,冇資金壓力,多數加派息,但回升左有點雞肋

最近買的博耳其實也沒有買很多,佢當年上市千人,千左好多錢市值百幾億,後來千返黎的錢又比人千返仲要千到甩褲,已經唔係T back而係C back的形狀,冇比人全裸剝皮本身都已經出奇,正所謂強中自有強中手,一山還有一山高,佢係老千人地係老拜,後來佢陷入波叔個仔咁的無限期還債人生,大陸唔比個人破產呢味野,你睇佢以前的年報或可以睇到一公升的血淚,又或者睇到常道恢弦?過了N年債已經接近還清,人應該變老實,變成黑白的紙片人,現在市值2億

東瑞擴廠照計已經收成期,可是付出太多,收入太少,也不能說非常穩定,只能說有潛力,由於升得較少味皇可能再買

其他同地產有關的股冇眼睇

大概就咁,組合好幾隻想賣唔想賣,下半年世界點變也不明,味皇可以不出手就不出手

香港的前景味皇幾年前舊文己經預測左,反正車公每年都update就不用味皇再講

其他國家只要一男子在,就會好似將軍的國家一樣幸福,人地又唔上網又唔睇國際新聞,好似內衣咁所有信息都要由親信口述傳遞,咁也不能要求佢能有幾博學,天選之人的知識是上天授與的,冇必要知道雞毛蒜皮的事

澳門也失去光明了,主要是在衛星地圖上看會有估計6平方公里的地方會由好多燈光變成北韓咁冇點燈的樣子,沒事兒,反正這是聖意,輪唔到地方政府阿支阿佐,D小商戶同舖主話要掛布額抗議要澳博承擔社會責任,真荒謬,執粒係澳博的意思嗎?不向澳門政府抗議,執粒係澳門的意思嗎?不向XXXXXX,連抗議主體都搞錯,也許是不敢搞真的,實際上社會不是都在引導人們把責任都全推曬落一介商人身上嗎?要習慣,太陽底下無新事

不過一個大區變成北韓一樣基本上係救唔返,一係特登整成軍艦島咁當景點,不過反正放置不管也會變軍艦島,總之澳門的租值會插得快過香港

我們要理解一樣野,通縮緊,而且有人覺得通縮冇野甚至係好事,即是說不用像味皇一樣升值,就算只是不變,都是相對上有錢左,即是"贏"的定義可以降到好低要求,追求往年同樣的目標是過度的

而且現在的世界形勢,大部分是由感情捱動,而不是由利益堆動,預測別人的感情是無意義的(或者是個別幾個人的利益煽動大部分人的感情,咁還不如去預測那幾個人的壽命)

不過應該會有國家做做埋D外國工程收唔到尾數,如果說有乜要迥避就迥避果類公司

實際上勞動人口係咁做只得一餐口糧,事實上就如同奴隸制度,食得少就賺得少,經濟上非常冇效率,也同奴隸主收唔到錢冇錢有關,大概現在係世界性的奴隸食唔飽,地球呢邊咁情況,地球另一邊的奴隸也唔見得食唔飽,果邊的奴隸要生產養活一些不勞動低勞動的流浪人口,所以產量也低,這就是現在情況,如果沒有錢,提高奴隸的幸福感會是較好的方法,具體操作係減少奴隸的選擇權,減少奴隸的比較對象,去除感情變成機械人,這樣反而容易滿足,而不是每日歌唱奴隸的生活有多幸福刺激佢地,不過還食飽才最有效,某坤話一斤米賣了能換成三斤米糠可以餵飽三倍人,食飽的3倍人產能沒有3倍也有1.5倍掛?先讓所有人吃上劣質米,而不是小數人充大頭鬼,咁樣實際D

XG同沃門沒有自主權,所以冇解

由於澳門下年的當舖同桑拿會高度集中,可能會有集團或社團忽然冒起,能不能上市就另一件事,賭本身就唔多掂架啦,但賭的周邊會大洗牌

選股的目標是找能存活的公司,至少可以賺到錢的公司,當然價錢唔可以離譜,中海油,中移動,AT&T,呢類即使不是良解,但可能是正解,夜晚睇唔到路,災難停電冇燈光,充當個北極星也可以

味皇覺得港幣息低過美金咁多問題大D,搞到乜野睇落去都唔長久咁,現家唔係港股好,而係人地爛

比起以往的小作文,味皇今年應該是歷來最高防禦性字眼

3個油站

唔記得之前有冇寫過呢個題目,如果重覆左詐唔知啦

有人話C朗係好有鬥志有有霸氣係天下間最好的男人,如果場上有11個C朗就一定稱霸天下咁樣,"稱"霸天下呢樣就冇乜疑問嘅,但係有冇聽過,一個C朗等波踢,兩個C朗搶波踢,三個C朗冇波踢呢?話曬十二碼唔可以三個人一齊射,實際上C朗係好難服侍的人,比女子同小人仲難搞,這也包括埋C朗的獨立第三方支持者,對直接接觸C朗的甲方同乙方來說只是會產生問題,特別是大量的C朗

趁現在社會暫時還有保持沉默的自由,味皇且隱一些字眼,3個油站的梗圖應該唔少心人睇過,萬惡的猶太人三個聚在一起會避免互相競爭,會開不同的店疊buff,而天龍人三個聚在一起會開三個油站鬥個你死我亡,這也有歷史原因啦,猶太人有很長的間繁殖速度比不上死亡速度,數量少要互相支援,而相對天龍人大量繁殖互相爭奪口糧的時間較多,猶太人看另一個猶太人是潛在同伴,而天龍人看另一個天龍人係潛在敵人,自己問下自己係唔係先

是咁的,以前周街都係貢茶皇茶,現家一間都冇,味皇以前去台灣旅行時,茶里王16蚊一樽(台幣),手山搖紅茶15-20蚊一杯,咁味皇兩樣都會隨機買,廢水要同樽裝價錢比較接近先有競爭力,後來低賤的茶里王20蚊,高貴的廢水40蚊,廢水店就大量執粒了,即是說唔係50嵐同一芳先至叫競爭,同茶里王同麥香其實都叫競爭

曾經賣廢水係閉眼賺的暴利生意,現家則冇人賺到錢,逼死貢茶皇茶的係coco甘杯,而逼死coco甘杯的係蜜雪冰城,咁逼死蜜雪冰城的係乜呢?係趙一鳴,2024年蜜雪冰城賣的檸檬水是3蚊,用美團特價是2.7,而2025年蜜雪冰城賣的檬水美團特價是1.9,因為趙一鳴賣緊2.2的樽裝,這回到以前味皇去台灣旅行時兩樣都可能買的情況,10蚊的茶百道過主啦,咁好似味皇咁的人爆買趙一鳴,係唔係趙一鳴就好賺錢呢,非也,蜜雪冰城(加盟店主)蝕錢,趙一鳴(加盟店主)也是蝕錢,連帶華潤都要陪佢地蝕錢,這是一場沒有贏家的不毛戰爭,看見蜜雪冰城的肥妹店員全黑的面色,看見趙一鳴死魚的收銀哥仔,味皇很是明白很是共情,當年味皇派牌都係冇好面色比賭客,就好似挖洞填洞製造就業一樣,現在已經變成要靠做蝕本生意而成立的新時代創新深化經濟

咁新時代創新深化經濟係點成立的呢,係天龍國也不是新鮮事,例如十幾年前的小黃車果D比你免費用,你用一次佢蝕一次,而佢的目的係按金,佢目的係收收埋埋D按金去放貴利,等於賣會費賣療程卻隨時可以半夜執粒的健身中心美容中心,佢地的目的係預收款,而現家進化左D,例如幾年前美團拼多多果D,係咁貼錢做優惠搶市佔,佢地口講的理論係第逼死競爭者之後加價就可以,實際上目的係蝕股東的錢比消費者,然後做大個市佔,做個將來會賺大錢的形象,然後用曼聯價上市,用新股東的錢做蝕本生意蝕返比舊股東,完成一個循環,比起舊時代的方法好在唔係龐氏,但如果沒有曼聯支持就也是走佬收場,現在的雪冰蜜城同趙一鳴也是對消費者幸福,做大形象,打算靠上市黎回血,同拼多多相比佢資金壓力細D係大形象也能騙到很多痛苦加盟主,不過實際操作下來,蜜雪冰城同趙一鳴都一齊執唔少,呢D叫做共倒,加盟主互相鬥倒,一方面蜜雪冰城上左市也冇需要咁多形象工程,作為加盟主趙一鳴的加盟主應該慘D,除左加盟費仲一定要入幾十萬的存貨,趙一鳴結合了小黃車呃按金同拼多多呃股票的優點,經濟上相當進步

這是拱北埋單17.8的套餐,凍檸,麻婆豆腐,雞扒

這是拱北埋單15的套餐,凍檸,豬扒咖哩面

味皇食周期表的同時,味皇不覺得店主會因為這個價賣了這個餐給客人而得到幸福,但肯定為附近的店主帶來不幸,也為澳門的店主帶來不幸,澳門同香港現家只係大陸的一個普通城市,文化入侵不可避免,腥港淫,伊始卷柿來

有人說東西便宜不好嗎?大家不是喜歡東西使宜嗎?我們總不能幻想進入老人痴呆年齡的大人物從很高的樓梯掉下來撞上咬著油炸鬼的女子高生然後交換身體的劇情上演,放棄幻想,過好每一日,過得一日得一日實際D

面對問題是解決問題的第一步,上面的人連第一步都唔肯踏出,我們唯有當自己係一棵動不了的樹好了,呀~光合作用光合作用

對於侵侵呢種反覆橫跳,以後也會繼續反覆橫跳的人,味皇詐唔知就好,今年以來世界大變,味皇看不清短暫的將來,所以呢幾個月基本什麼都沒有做,那麼和味皇一樣的人應該也很多,看不清要點做就先乜都唔好做,反正你即使做了也看不清做了大概會有乜結果,正是世界變太大變太快搞到大家無所適從,現家就算再加戲也不會調動到大家的情緒

寫在半年結之前,關於味皇的投資組合,呢半年反而升左唔少,但看不清前景下味皇選擇不動不如一靜,沒有進行任何換馬,除淨收到的息,係最近半個月開始排隊一隻曾經百幾億市億現家只剩2億的當年幾有名的老千股,睇唔到前景都係估估下博下,也不是有很多錢買,等半年結時先開名

退休10年紀念

10年前的勞動節黃金周,味皇仲記得當時係中場圍住的開苛放式高額投注區度不停同呃分黨入卡,篤到冇停手,明明係禁煙區卻一堆人煲煙,味皇怒氣值MAX,飛完盒牌換牌冇人時同個荷吹水,明明係禁煙區卻一堆人食煙,D客唔守法連公司也唔守法,個荷都話可以唔做都唔想做,味皇忽然屎可忍叔不可忍,就同個荷講我一陣落break就去辭職,落完break返到黎就同個荷講我文左信做最後埋7日就走人,味皇都叫做左10年撲克臉低調的老屎忽,驚呆個荷

當然味皇交完辭職信後溺係廁格入面喊,同埋揸住320萬股票並沒有周圍講

今次想講下10年前同10年後的現家

10年前味皇辭職時揸住320萬股票,年尾結算時有26萬息,勞動節時點持有奧普,美蘭,龍翔,惠記,晨鳴,電腦網,匯賢,春泉,開元,SOHO,貿易通,川河,佳寧娜,匹克,新創建,建業,建滔,新世界百貨,10年後剩低建滔係當時有的,另外建滔味皇辭職後冇耐就14.46賣走左,再買設時已經是2023年用23蚊入

當時的320萬主要來自2014年392萬賣走氹仔二手一房經屋的盈利同轉買唐樓時借盡的銀行按揭,買氹仔二手一房經屋時味皇是新城市花園2房同佢二選一的,都係180萬氹仔二手一房經屋租貴D樓齡新D可以借多D揀左佢,當時佢租近7000新城市租5500,後來賣的時候新城市花園2房460萬而佢只得392萬,因為冇耐前澳門大學搬走左同台灣公關冇得黎澳門,氹仔租務開始走下坡直到現家,當時按味皇火棒的買家做左10年負資產,最高位420萬左右味皇算賣得及時,現時佢租5000新城市租6500,而味皇之後即時用果筆錢買左兩間134萬同165萬的老殘樓,兩間租大概9400左右,比供款多D,借到200幾萬咁樣味皇先有320萬股票(當中200萬按揭),咁樣唔計自住就有100萬樓,320萬股票,40萬日本樓,可以忽略的大陸商場舖,欠200萬,好多人可能覺得少唔夠,但味皇相信可以維持到

10年後果320萬股票,現家係600幾萬,收息40幾萬,10年前買果D股如果不動留到現在,好多都變仙股味皇也化為白骨,所以反復橫跳應該算是味皇成功之道,但得600萬算成功嗎?好多人可能覺得少唔夠,而果600萬的成份是,日本樓賣左埋加入去,2017年將134萬同165萬用172萬同238萬賣走,換成193萬同290萬,其中主要目的係加按,借款到290萬(130+160),其中原來打算放租的290萬(160)後來送左比結婚的家人自用已經唔關味皇事,134萬原來租5000左右的換成193萬租9200,而現在172萬的租4200,193萬的租緊7400,而且都趺破買入價,一男子搞事之後一直走下坡到前年先回升少少,即是說味皇欠銀行130萬,還左幾年現家剩110萬啦,有丁點淨租金收入,其實蝕賣一向冇所謂,更平買就可以,但層唐樓就唔駛旨意賣得出,當時仲有辣椒,再加疫情幾年已經搞到過左賣家可接受的樓齡,只能一直收租,而最近又被抽脂幾十萬買中山樓,大致係咁

講開10年前,味皇仲係30幾歲,打CSO雖然會出冷汗,但係充斥大6的外掛服務器當中仲算係高段位的水平,現在叔叔不行了,皮巢鼻毛白

10年前味皇覺得退左休以後再鬆動D可以周圍去旅行,移民邊度邊度,10年後發現屋企人身體變差,特別係不可描述的幾年後,味皇將來可能邊度都唔駛去

10年前成街金舖地產舖,成街都係人,好似有金執咁,金舖逼走幾十年老舖,10年後都係吉舖,地下踩金就有,幾十年老舖自己執包袱

10年前味皇剛退休每日去不同的店食焗豬,當時新龍記焗豬32蚊,10年後味皇北上食22蚊美團咖哩連凍飲,澳門曾經去過的不同的店大都唔見曬,新龍記未執,焗豬52蚊,而且味皇也不再好肉當時咁閒情周圍試食

10年前味皇青頭仔,老母買菜,同屋企人同枱食飯嫌餸少,10年後屋企人結婚搬左出去,少對筷子餸更少,而菜是味皇出大陸食美團攞淘寶順便買的,另外味皇還是青頭

人係唔同時候諗的東西相當唔同,味皇廿幾歲時想35歲年退休,之後點生活,後來味皇真係35歲退休了,現在正在過的退休生活同廿幾歲時想像的還是有點不同,一方面係味皇變了,另一方面世界也變了,特別是味皇被鐵拳痛打,毒打之後,而實際上呢,幾年成個價值觀變曬的人應該不少

一般而言,同一個人係廿幾歲想像的退休生活,三十幾歲時想像的退休生活,四十幾時歲想像的退休生活,五十幾歲時想像的退休生活(以上皆指未達成的情況),應該差別非常大,如果說有人過著想像中的美滿退休生活,咁佢好大可能是某時點忽然暴富的人,因為有計劃退休的時間跨度很大,過程中會出現很多變數,可能你自己改變,可能環境改變,自己適應環境而跟住改變咁樣,現實通常不如想像中好,味皇近年成日出街見到D人開舖唔駛一個月又執粒,每個月都見到有人人生已完,追夢的過程好同魷魚遊戲,人人都想做李瓜誠,就算最後能生存下來的異能生存體比佢做好李瓜誠都好,實際上現在的李瓜誠也不好過

味皇退休早,過左10年退休時間,以後可能仲有兩三個10年,當佢3次計數啦,味皇係第1個10年已經遇到兩次嚴重打擊,兩次重大決擇,一次直接收皮的危機,一次嚴重打擊係剷除澳門的貴賓廳同埋辣椒,令澳門人口減少令味皇層收租樓長期租唔出要貼錢供,現家都仲受緊影響,另一次係2022年起琥珀能源為首的一堆股比地方政府鐵拳,用歷史文件的理由黎抽水,好多公司要不是被直接征收就是忽然要出錢投資落政府,味皇損失相當大

收皮危機係2019年疫情好多股做唔到生意甚至存亡危機,派息由30萬跌到可能最低得19萬,19萬係唔夠養家的,味皇當時業績期係咁換股,果年最後成功保住27萬的派息,如果果時換股有乜大失誤,味皇現家可能炸緊薯條

重大決擇係退休冇耐,2016年奧普作為收息主力被私有化被迫換其他,如果係最開始就出現大換股失誤,就冇今日味皇,,另一次係19年果次,差唔多成個組合要重新組成,本錢已經變小好多了息又唔夠養家又要供樓,責任重大,兩次味皇都是被逼行動起來,其實還有一次22-23年退出被打拳的投資,數額都好大,但味皇的生活還算穩定,冇之前行獨木橋咁誇張,2016年奧普換成的係CTM,青島港,太古B,現在睇返太古係失敗的其他兩隻成功,失敗率1/3,至少冇大失敗,之後22-23年換入的中石煉化,青島港,CTM,中信,保濟丸,筆克,建滔,衛星,池州港,地勤,拖頭,恩達,四環,唐宮,信德,結果有辣有唔辣,失敗率1/3啦,唔駛嗌阿媽,反正味皇是求不敗而不是求大勝,點換都係伴隨住失敗,可受控範圍就可以,本金越多越安全先可以越有本錢冒險,本少時黎冒險唔係咁推薦,如果要冒險至少要有經驗值到手

但味皇可以好肯定咁講,如果學人買指數股熱門股,味皇死卵左十世,股票唔係越出名越巴閉

靠祖師爺的教唆,味皇先可以係各種突發情況冇乜硬直時間下自己解決問題,但祖師爺的影響力越來越低了,連祖師爺的徒弟也宣布退休,講起黎祖師爺本書就快100年歷史了

味皇上岸已經一段日子,離岸邊越來越遠,隨壽命同行動力的縮減,對金錢的追逐稍為少左,同時代脫節冇梗文也寫少左,趁10年紀念的日子,以後可能多寫下其他題材

其他10年前後

10年前味皇每日係不同的黑社會幫派賭廳開工,10年後沒有黑社會

10年前要澳門100萬人香港1000萬人,10年後澳門有A區香港有3跑

10年前政府發新聞,10年後新聞是政府

10年前係老千炒老千股,10年後官方清算老千自已做老千

10年前人口增加,10年後人口減少

10年前公文袋亂港,10年後懷念公文袋?

10年前可以上街,10年後可以出街

10年前學語文,10年後學八股文

10年前有錢就買債,10年後發債就有錢

10年前電視廣告係補習社美容院,10年後係洗頭水保濟丸

10年前亞視睇鏗鏘集,10年後

10年前報紙日日讚力牆笑力牆,10年後報紙日日拆力牆批斗力牆

10年前銀行係大陸黎收購,10年後銀行係新加坡黎收購

10年前是中國香港製造,10年後中國製造

10年前要不是中央照顧香港,10年後完蛋了

10年前讚馬雲,10年後囚馬雲

10年前成街民工,10年後成街大神

10年前犀利哥,10年後全面脫貧全面小康

10年前要褲子,10年後要面子

10年前發展中國家,10年後發達國家

10年前一邊鬧敵人一邊收敵人捐款,10年後免除盟友債務

10年前專重南方人,10年後全部北方人

10年前是高學歷,10年後是低學歷

10年前要利用,10年後要企邊

10年前是一男子,10年後是老10年的一男子

10年前是副總統,10年後是老人痴呆

10年前掌權的是老男人,10年後掌權的是就入土的男人

10年前是矽谷寫軟件,10年後是硬件寫軟件

10年前是主流人口,10年後是一小撮人

10件前是潛入異已,10年後是排除異已

10年前是復仇者聯盟,10年後是黑雪公主黑人魚

10年前是買選票拉選票,10年後是養選票繁殖選票

10年前講地球村講全球化,10年後要你閉嘴

10年前話反對邪教,10年後話你是邪教

10年前鄙視實業冇人做實業,10年後讚美實業冇人做實業

10年前用把口宣傳愛與和平,10年後用拳頭宣傳愛與和平

10年前講內卷,10年後講躺平

10年前講競爭,10年後講鬥爭

10年前講捐助,10年後講補助

10年前講科學,10年後講捉棋

10年前講分工,10年後講自給

10年前講慣例,10年後講信用

10年前講生產,10年後講存貨

10年前講留學,10年後講遣返