遊記就不寫了,上

2016年12月,去左9日,行程係廣島機場-->尾道-->福山-->岡山-->津山-->出雲-->米子-->鳥取-->姬路-->西宮-->岡山-->廣島機場

只貼圖,渣渣紅米2手機同賓特K-X

尾道

福山

津山

岡山

出雲

米子

鳥取

姬路

西宮

*上面係當時算比較新的紅米渣,下面係時代脫節的09年K-X,老爺單反仲係爆紅米幾條街,雖然R-X拍的偏黃,至於圖片大細,單反6M紅米2M

當時的手機應光度低,夜晚對唔到焦,冇光學防抖,易有殘影,處理速度慢,噪點多,HDR冇實用性

老爺單反的問題係重同埋處理速度慢,09年的CPU係16年用,等於I7剛登場的時代用AMD巴頓將軍+DDR黎行WINDOW VISTA咁,雖然有HDR,但要隔幾秒先可以拍第二張去進行合成,必須要腳架,成功率亦不高,因此HDR亦不具實用性

幾隻股實地考察

味皇去完旅行返黎,先寫返去旅行之前的內容

是咁的,味皇年輕時留有大量腳毛的太平洋電腦城(543)執粒,於是味皇特登搵日上廣州諗住拍下遺照,順便考察下其他股,當日係年初五,上度去發覺周圍都冇人開舖

新年電腦城冇開到,唯有係門口影幾張就算

去左405租金下跌的白馬大廈,新年冇開,所以考察唔到

係廣州度食左腸粉去完D景點去東莞另一個目標,唔係邪骨

佳寧娜佔40%的家匯生活廣場,呢個係中間棟

以為佢商業成份好高,但呢棟係似乎只賣裝修野,租值未必好高,當日新年兼夜晚,入面考察唔到

商場左中右三棟,呢個係畫面左邊果棟,似乎係車行?

中間同左面棟已經落成開業

右面果棟,行近D發現仲圍曬板,仲係地盤,雖然開左燈,但現時點只係製造光污染

另一邊馬路睇佢地盤,後面棟係寫字樓同住宅,兩棟定三棟,年報話好似已經賣曬

離題內容,ローカル路線バス乗り継ぎの旅,由拱北坐縮骨巴士到深圳,要點坐呢?

拱北-->下柵檢查站-->中山總站-->中山小欖-->順德均安-->廣州南(番禺)-->是但-->廣州大沙東-->東莞麻涌-->東莞南城-->東莞長安-->行路去深圳碧頭地鐵站-->是但

味皇由於去睇佳寧娜,所以由麻涌-->東莞總站(萬江),之後就返歸了,即日來回

又咁的,味皇苦於前僱主成日寄失股息支票,原因係中央証劵將B字錯誤寫成13,於是唯有去香港改地址,兩日一夜,住係深圳,順便考察下持股,今次唔係新年有開檔

坐巴士路過佳寧娜廣場,佳寧娜得下面商場係收租同開茶樓,上面賣左唔關佢事

216同160的漢國城市商業中心,傳說天鴿果時爆曬玻璃,似乎已經整好,入面有開燈

附近都尚算繁榮,係比較塞車,有地鐵或者會好D

發現問題,佢仲係地盤,大堂仲係水泥面,仲裝修緊,起碼3個月內都未搞得掂,睇黎要揸多年

深圳華南城(1668),其實好偏僻,用珠海比喻就係去斗門,用香港比喻就係去東涌,仲要經梅窩轉一圈先去東涌,十幾廿公里中間點都要經過一D鳥不拉屎的地方

嘛,也就是東涌

味皇果日住係布吉,去華南城要1個鐘巴士

華南城有兩部分,一部分係留返自己搞的部分,一部分係賣比人騙管理費的部份

這邊是騙管理費部分

時間係朝早9點,D人10點先返工,不過都可以睇到好多買黎丟空的,深圳也許已經算好,華南城有管理費收就話知你點用

呢部分係做倉

自已搞的部分就氣派好多,未開工唔知入面點啦

可能租唔曬,所以新收購的好百年獨佔一場充撐場面,好百年旁邊的空地係深圳華南城剩低未開發的部份

同賣比人呃管理費的間隔是一樣的,但好明顯冇賣散,9成係華南城自己留,自己的就可以做飲食用途,賣比人的只能做倉

每一PART呃管理費的平面都帶一棟板樓做酒店,賣比人的旁邊間酒店就寒酸D,自己留的旁邊間酒店就豪華D

每一PART設計都一樣,係裝修唔同,遠果間玻璃皮,近果間就石屎皮

寫字樓部分

華南城有3種建築,A-賣比人果種L型建築,B-自用的四方形大舊磚,C-獨立寫字樓同住宅

呢種係大舊磚的基礎上面增加地積比的改版,放係大路邊,冇人行的地方的地積比集中去有人行的地方

大舊磚商場,近10點D人先入去開工,呢D唔係客,係員工,不過都算獨市嘅,周圍似樣D的商業成份係得呢度

呢D算係住宅

味皇認為,深圳華南城由6舊磚,6舊L同幾條寫字樓組成,現家可能自營都租唔曬,所以華南城未起第6舊磚,空左係度,味皇推斷,其他地方的華南城,同樣會係大舊磚度控制建設進度,先起住戶同L形博命賣,寫字樓同大舊磚就先起兩三個先,租得曬就增建,租唔曬就唔起住,起左冇人租就用酒店及好百年做題材扮有生意充撐場面咁上下

深圳的華南城仲未有地鐵,現時所見華南城外面的商業同生活水平也就斗門的程度,其他城市的華南城應該唔會比佢更高掛,雖然斗門都炒到好很貴

另外味皇認為華南城最有價值的係車位,入面泊滿曬車,不過睇黎都係免費位,捉到鹿都脫唔到鹿頭皮

賣電

有點都好過冇既,但係市民係唔係真係咁著數呢?如果味皇係力牆,味皇可以用其他子公司開大量太陽能板賣電,吸走兩電的利潤,兩電利潤少左唔到保證利潤,又可以申請加價或者要政府補貼,兩電將來幾時要減收購價,力牆事先知道時間,係減收購價前將太陽能上市又得,得左,又可以夾埋行家話安裝好危險好專業,要指定邊間邊間先可以安裝,收費點點點咁,味皇試驗性自己裝過100W的淘寶電板,唔算難裝,成本600人仔,不過齋放地面唔算安裝

不過最著數都係有大量農地唔耕丟空的四縮

以中國人的尿性,有10年內回本的項目,一定借到盡黎套利,因此收購價應該比較快就下跌,有地皮的係得果班人,太陽能板係民間普及之前,應該已經比功能組別吸乾其普及能力

如果要玩,一定要係台灣日本呢D斷糧水的荒島度搞(借到錢的話),香港要入口電力同燃料太易了,政府問市民度電力回來還不如向上面攞簡單直接

有人話不如用太陽燈係室內照太陽板,收購價4倍的話,我浪費3倍的電力換1份電賣出去仲有賺,拿拿拿,仲否認自己係XX人?同燒電掘礦一樣咁曲街,好彩(?)太陽能轉換效率低過1/4,呢招行唔通

選擇權

味皇最初得一隻股可以股代息,匯賢REIT,而現家增加到3隻了,多左新創建同招商局,一手匯賢REIT入場費係3000蚊上下,而一手新創建要14000,招商局要成4萬,用5厘計新創建要買28萬一年先換到一手,招商局要80萬添,味皇的小本想用黎套利亦無從入手,所以唯有收現銀了,股代息對小本經營又有出有入來說實際用途較低

但是味皇認為選擇權很重要,一間公司值100,賺10,共100股,你佔1股,老闆用各種方式處理盈利:

1.唔派,公司變110,你佔1股,每股值1.1

2.派10現金,公司100,你佔1股,每股值1,另有0.1現金=1.1

3.派5現金,公司105,你佔1股,每股值1.05,另有0.05現金=1.1

4.派10股,公司變110,你佔1.1股,每股值1=1.1

5.派10現金可代息,公司100,-------------全部股東換股=上面4

                                           L------------部分股東換股,例如得你換,你佔1.1股,公司100.1,股數有100.1股,每股值1=1.1

                                           L------------全部股東收錢=上面2

簡單講,無論點處理,股東手上的價值都是不變的,但僅有5的方案可以出現分枝劇情,由於價值不變的關係,整D咁嘅野在很多人眼中是多餘無謂的,熊猫博士話齋就是朝三暮四還是朝四暮三的分別,猴子並不會分到多過7粒的栗子,明白冇?YY

但脫髮的猴子也許會想到,早收一粒栗子去種,早一棵可收成,咁佢會一直比遲收一粒的猴子有更多栗子,陰濕的猴子也許會想到,用佢的4粒栗子同3栗子的猴子對賭,之後本多的贏曬7粒

選擇權就是這種東西了,有用腦夠陰濕的人可以用選擇權,從公平的條件下濕9正直的憨殼,20/80之類的都係咁黎,上層管理的老屎忽,佢地自己有得選擇,而為求穩定當然不會傾向橫生枝節的比下層人選擇權,應付1種劇情永遠比應付3種劇情簡單,視線向上的人求變化,視線向下的人求不變,就係咁

味皇自己會用代息股套戥,自然希望有更多的股代息

上面的選擇權係人地比的,現家講自己比自己的,上年味皇買唐樓時借按揭,有幾種選擇

1.年期短的按揭,例如15年月供A

2.年期長的按揭,例如25年月供B

一般都會選1的,但是如果1的利率更低又如何?

例如100萬

1.年期短的按揭,例如15年月供6435,利率2%

2.年期長的按揭,例如25年月供4742,利率3%

在繼續睇落去之前自己自思考15秒啦

如果選2的話,供款較少,但損失較大,而進行下去的話,同1比起黎,收支-4742,利息2500,同1相比剩1693,劇情係咁

2.年期長的按揭,例如25年月供4742,利率3%-----------1693保留         |--消費用

                                                                    L----------1693使用------丄-投資用

                                                                    L----------1693還款-------T--縮年期

                                                                                                          L-供款期

即係話,選1的話你只有按單條路線進行,而選2的話你有5種分歧路線,呢個選擇可能係無償的,也可以有償的,而今次的例子是自己主動付出代價購買的選擇權,成本係1厘,未見官先打大板,到底是有去無回還是以退為進,因人而異

至於手頭上有冇3%以上利益的項目,會影響到走線,不過就算有,應該還是有人會選擇消費用的,未來的主人翁決定就是你了!

另外味皇是很愛國的,山賊都愛國了,味皇豈可不愛國,何況愛國賊都在味皇門外四處走動?當然,有選擇權的話味皇想先比較下外國同愛國,根據隔離飯香的原理,同某些野保持距離之後先會發現佢的優點,例如識你個屁的女星好清純想娶佢做老婆,死左十世的古人好偉大想奶佢腳趾,離開左好耐的家鄉好美麗我要回去,一般來說,歷史上每次有事,搾到最多汁水的都是外僑金山阿伯,已經不知搾的是茄汁還是血了(漢奸最愛國?唔準咁講),外國的月亮特別圓,想心理上(非物理)更愛國也許到要先從外國開始,周星馳話演技要從外到內,再從內到返外,其他技巧應該都差唔多

當然,同味皇去旅行並無關係,但係味皇還算自由身,可以較自由出入多國邊境,這也算是移動的選擇權,而選擇權姑且在自己手中,如果一開始做左乜野逼住留或逼住走令自己冇左選擇權,咁就等於少左劇情,少左機會,冇得你揀時要點,有得你揀時要點,比你揀時要點,古代的老屎忽咁話過,做人呢,眼看手勿動,耳聽口勿動,既明且哲,以保其身

不過...因為距離關係?好多人都愛外國人組成的外國球隊甚於本地人組成的本地球隊及外國人組成的本地球隊,兼且仲會為外國人組成的外國球隊的事面紅耳熱互相指責甚至大打出手,而對手則是本地人甚至熟人,旁邊的人扣血又不是外國球隊扣血,外國球隊有底蘊自己皮膚會滑D?如果話隔離飯香的話已經是迷魂香了,千里之外游行打砸豈會動搖迷雲黨專政的偉大勝利?生物不是求飽暖淫慾嗎,能夠做無謂野已經代表比大多數生物有更高質量的生活了,難以理解,地球人真是麻煩的生物